Villingaholtsvatn er í Villingaholtshreppi í Árnessýslu. Það er 0,8 km², dýpst 2 m og í 36 m hæð yfir sjó. Suður úr vatninu er lítil rás til Flóaáveitunnar. Vegasamband er gott. Vegur nr. 305 liggur með vatninu norðanverðu. Talsvert er af fiski í vatninu, bæði urriði og bleikja, 1-2 pund.
Netaveiði hefur verið stunduð í vatninu og jafnvægi nokkuð gott. Sagt er að uppgönguauga hafi verið í vatninu, þar sem silungur kom um. Það er nú horfið. Veiði minnkaði við framgröft Flóaáveitunnar. Vegalengdin frá Reykjavík er um 80 km.
