Íslenski ferðavefurinn

  • endursetja

Vallakirkja

Vallakirkja er í Dalvíkurprestakalli í Eyjafjarðarprófastsdæmi. Vellir eru bær, kirkjustaður og prestssetur  í utanverðum Svarfaðardal. Katólskar kirkjur þar voru helgaðar Ólafi helga Noregskonungi.

Kirkjan, sem stendur þar nú, var byggð 1861 og vígð annan í jólum sama ár. Þorsteinn Þorsteinsson á Upsum var yfirsmiður. Kirkjan er út timbri, standklædd í upphafi en asbestplötur voru settar á hana árið 1930. Það gafst illa og hún var færð í upprunalegt horf. Hún er turnlaus og hvelfing hennar er skreytt með stjörnum.

Fjórir uppistandarar frá gólfi upp í bita mynda kórdyr. Milli þeirra eru 5 bogar, prýddir útskurði og listilega málaðir, gerðir af Agli Halldórssyni, smiði, sem vann að byggingunni. Prédikunarstóllinn er frá 1747 og gömul altaristafla sýnir kvöldmáltíðina. Í kirkjunni er líka gamall ljósahjálmur og tvær koparljósastikur á altari, mjög gamlar. Sóknarkonur gáfu kirkjunni skírnarsá árið 1946. Geir Þormar á Akureyrir skar hann út. Hannes og Kristján Vigfússynir skáru út fallegan prestspaða. Klukknaportið var byggt framan við kirkjuna 1951 og Zóphónías Þorkelsson í Winnipeg, sem var fæddur í Vallasókn, gaf kirkjunni stóra klukku 1947.

Myndasafn

Í grend

Gönguleiðir á Hálendinu
HELSTU GÖNGULEIÐIR Á HÁLENDINU Hellismannaleið Landmannal.-Rjúpnav Landmannalaugar Þórsmörk Fimmvörðuháls Þórsmörk Hóla ...

Allar ábendingar eru velkomnar. Reynum að hafa staðreyndir eins réttar og mögulegt er.

Veldu landshluta

nat.is er upplýsinga- og ferðavefur um Ísland sem var stofnaður 1998.  Íslenska útgáfan er is.nat.is.    ( nat@nat.is )