Stóra-Eyjavatn er í Auðkúluhreppi í V.-Ísafjarðarsýslu. Það er 1,66 km², dýpst 43 m og í 569 m hæð yfir sjó. Frá því rennur Þverá gegnum Litla-Eyjavatn og heitir síðan Dynjandisá. Tveggja stunda gangur er að vatninu frá þjóðvegi, en kominn er vegarslóði vegna raflínu, sem styttir leiðina. Mikið er af fiski í vatninu, bleikja að melaðstærð 1-2 pund. Stangafjöldi er ekki takmarkaður og helzta agnið er spónn.
Vegalengdin frá Reykjavík er 380km um Hvalfjarðargöng, -159 km með Baldri frá Stykkishólmi og 40 km frá Flókalundi.
