Sjöundá er afskekkt eyðibýli innst á Rauðasandi í heldu ókræsilegu umhverfi.
Árið 1802 var þar tvíbýli og Bjarni Bjarnason og Steinunn Sveinsdóttir myrtu maka sína, Guðrúnu Eigilsdóttur og Jón Þorgrímsson, til að geta verið saman án afskipta þeirra. Bjarni og Steinunn voru dæmd til pyndinga og dauða. Bjarni var sendur til Noregs til aftöku 1804 en áður lézt Steinunn í fangelsinu á Arnarhóli. Hún var dysjuð á Skólavörðuholti, þar sem dys hennar (Steinkudys) sást fram á 20. öld, þegar beinin voru færð í vígðan reit.
Skáldsagan Svartfugl eftir Gunnar Gunnarsson byggist á þessum atburðum. Sjöundá fór í eyði um vorið 1921.
