Ölfusá fyrir landi Hellis og Fossnes. Sex stanga svæði, sem er þekktast fyrir „Stólinn”, sem er bryggjan, 
sem menn dorga af fyrir neðan brúna á Selfossi. Þarna er oftast drjúg veiði og oft sjóbirtingur með laxinum.
Þekkt stórlaxasvæði eins og svo mörg önnur á þessum slóðum. SVFS er með svæðið á leigu.
Helstu stangaveiðisvæðin eru fyrir löndum Eyrarbakka, Hrauns, Árbæjar, við Selfoss, ásamt Laugarbökkum og Tannastaðatanga.
Þrír síðasttölu staðirnir eru laxveiðisvæði, hitt silungssvæði að mestu.
Árbær: Ölfusá fyrir landi Árbæjar. Tvær stangir og þarna veiðast nokkrir tugir laxa sumar hvert. Landeigendur nýta sjálfir.
