Lundarkirkja er í Hvanneyrarprestakalli í Borgarfjarðarprófastsdæmi. Bærinn Lundur er kirkjustaður, 
prestssetur og þingstaður í Lundarreykjadal. Þarna var hof í heiðnum sið og nafnið gæti átt rót sína að rekja til helgilundar í grennd við blótstað.
Kirkjan á Lundi var vígð 1963. Hún er úr steinsteypu með háum turni yfir forkirkju. Þorvaldur Brynjólfsson frá Hrafnabjörgum var yfirsmiður. Gréta Björnsson skreytti hana að innan. Útkirkja var á Fitjum í Skorradal og árið 1907 var prestakallið lagt niður og sóknirnar lagðar til Hesþinga og síðar til Hvanneyrar. Katólskar kirkjur á staðnum voru helgaðar Guði, Maríu guðsmóður og heilögum Lárentíusi.