Hvalfjarðareyri gengur út í Hvalfjörð sunnanverðan. Þaðan stytti fólk sér leið með ferju að Katastaðakoti áður en vegur var lagður fyrir fjörðinn. Eftir nokkrar umræður um bílferju yfir fjörðinn hófst undirbúningur að framkvæmdum, sem síðan varð ekkert úr.
Á síðari hluta 17. aldar var þar verzlunarstaður um hríð. Talsverðu magni af sandi og möl er dælt upp úr firðinum á þessum slóðum og á eyrinni finnast margir sérkennilegir steinar, s.s. baggalútar (hreðjasteinar).
