Hæðargarðavatn er í Skaftárhreppi í V-Skaftafellssýslu, skammt frá Kirkjubæjarklaustri. Það er 0,15 km², nokkuð djúpt og í 16 m hæð yfir sjó. Vatnið er að- og frárennslislaust á yfirborði. Vegur nr. 204 liggur á vatnsbakkanum og umhverfið er gróið og notalegt. Mikið er af fiski í vatninu, vænn urriði, 2-4 pund og veiðist best snemma á vorin og fram eftir júní. Eftir það, helst í myrkri. Mest er veitt á spón. Á meðan netaveiði var meiri var fiskurinn stærri og vænni.
Vegalengdin frá Reykjavík er u.þ.b. 275 km og 2 km frá Klaustri.
