Íslenski ferðavefurinn

  • endursetja

Geldinganes

Geldinganes teygist flatt og lágt út í Kollafjörðinn fyrir norðan og norðaustan Gufunesið, sem það tengist með eiði, sem fór á kaf í flóði áður en það var hækkað upp vegna framkvæmda við hafnargerð, sem hófst árið 1999. Nesið hefur löngum verið partur jarðarinnar Gufuness og þar var um tíma geymdur kvikfénaður, sem var notaður til að fóðra fálka Danakonungs á leiðinni til Kaupmannahafnar. Öldum saman bar Íslendingum að sjá konungum fyrir fálkum og fálkahúsið á Bessastöðum var flutt til Reykjavíkur árið 1763 og endurbyggt á malarkambi, þar sem nú er vestasti hluti Hafnarstrætis (1-3). Þessi útflutningur lagðis af um aldamótin 1800, en nafnið á húsinu „Fálkahúsið” hefur haldið velli fram á okkar daga.

Geldinganesið var konungsgóss og var talið vera í eyði, þegar það og jörðin Eiði voru seld árið 1840. Árið 1924 eignaðist bæjarsjóður báðar þessar jarðir auk Knútskots og Gufuness. Árum saman hafði Hestamannafélagið Fákur hagabeit á nesinu.

Myndasafn

Í grend

Kollafjörður
Kollafjörður gengur inn úr Faxaflóa milli Seltjarnarness og Kjalarness en almennt nær þetta nafn aðeins  víkina næst Esju. Kollafjörður og Mógilsá eru…

Allar ábendingar eru velkomnar. Reynum að hafa staðreyndir eins réttar og mögulegt er.

Veldu landshluta

nat.is er upplýsinga- og ferðavefur um Ísland sem var stofnaður 1998.  Íslenska útgáfan er is.nat.is.    ( nat@nat.is )