Fjarðará er í Norðfjarðarhreppi, Suður-Múlasýslu. Upptök hennar eru á Hraundal og Fannardal og 
í hana renna margir lækir á leiðinni til sjávar uns hún fellur í botn Norðfjarðar.
Umhverfið er margbreytilegt og að mestu gróið. Í Fjarðará er sjógengin bleikja, allgóð stærð og oft góð veiði. Stöku lax hefur fengist en er þó undantekning. Veiðistaðirnir eru margir víðsvegar með ánni. Fiskurinn gengur fremur seint í ána og tekur oft við sér eftir miðjan júlí, en fer það þó nokkuð eftir árferði.
Vegalengdin frá Reykjavík er u.þ.b. 780 km og 70 km frá Egilsstöðum.
