Heimkynni blöðruselsins eru aðallega við Grænland og Nýfundnaland en hann flækist víða, s.s. til 
Bretlands, Íslands og Noregs. Hann kæpir á ísröndinni í apríl til maí. Ofan á snjáldri hans er stór blaðra /(20×30 sm), sem hann blæs upp, þegar hann er í vígahug. Hann var annar mesti veiðiselur Grænlendinga.
Norskir selfangarar veiddu hann mikið við Grænland á síðari hluta 19. aldar. Brimillinn getur verið hættulegur veiðimönnum. Hann ræðst á báta og brýtur þá. Hámarkslengd er tæpir 3 m.
