Eyvindarmúli er fyrrum kirkjustaður í Fljótshlíð. Nafnið er komið frá Eyvindi Baugssyni, sem 
Landnáma segir hafa búið þar fyrstur. Kirkjan þar var helguð Jóhannesi postula á katólskum tímum. Bærinn var í Fljótshlíðarþingum, sem voru lögð niður 1880 og þá var sóknin færð til Breiðabólstaðar. Sextán árum síðar var kirkjan lögð niður og sóknin sameinuð Teigssókn og sóknarkirkjan að Hlíðarenda.
Á sturlungaöld var Eyvindarmúli eitt höfuðsetra Oddaverja og á fyrri hluta 16. aldar bjó þar Hólmfríður Erlendsdóttir ríka. Einkakapella hennar var kölluð Kapelluhús í Árkvörn og þangað liggur Hólmfríðargata.
Afkomendur hennar búa enn á staðnum. Ofan bæjar eru fallegar stuðlabergsmyndanir.
