Heiðarvatn er í Mýrdal, 200 ha að stærð og dýpst 30 m. Vatnsá rennur úr því í Kerlingadalsá, sem fellur til sjávar austan við Vík. Snyrtiaðstaða er við vatnið og veiðileyfin, sem eru ekki takmörkuð við fjölda, gilda í því öllu.
Vatnableikja, urriði og sjóbirtingur fást í vatninu og stundum stakur lax. Fiskur er mest smár, en sjóbirtingurinn getur verið allt að 10-13 pund og svo eru laxarnir yfirleitt nógu vænir til að slíta silungalínurnar. Það er hægt að aka alla leið að vatninu. Heiðarvatn er nú í eigu svisslendings Rudolph Lamprecht. Vegalengdin frá Reykjavík er um 190 km og 10 km. frá Vík.
