Fyrstu árin eftir að hringvegurinn var opnaður (1974) kepptist fólk um að setja hraðamet eða aka aftur á bak allan hringinn. Núna er búið að gera þetta allt og við getum farið að einbeita okkur að því að njóta allra lystisemdanna á leiðinni, landslagi, sögu, náttúru og mannlífi. Ferðaþjónustan er líka víðast orðin til fyrirmyndar, þannig að ótal kostir standa til boða. Í þessari hringferð er upplagt að skoða kirkjur landsins sem geyma menningu og sögu Íslands!!
Þessi síða er þannig gerð, að hún ætti að nægja til að undirbúa hringferðina í ár. Allir kaupstaðir, kauptún og byggðakjarnar auk áhugaverðra staða, margs konar þjónustu og afþreyingu við hringveginn eru tengdir á kortinu.
SVÆÐISKORT UMHVERFIS LANDIÐ
TILLAGA AÐ FERÐAÁÆTLUN
6 daga kirkju hringferð (eða þar um bil)
Dagur 1. Reykjavík-Skagafjörður.
Ekið frá Reykjavík um Borgarfjörð og yfir Holtavörðuheiði til Norðurlands. Það eru margir áhugaverðir staðir á leiðinni og víða hægt að á. Upplýsingamiðstöðvar fyrir ferðamenn eru í Staðarskála og í Varmahlíð. Upplagt að gista í Skagafirði.
Kirkjur: Reykjavík-Skagafjörður: HALLGRÍMSKIRKJA í SAURBÆ , LEIRÁRKIRKJA, BORGARKIRKJA, STAÐARKIRKJA, VESTURHÓPSHÓLAKIRKJA, ÞINGEYRAKLAUSTURSKIRKJA*, EFRA-NÚPSKIRKJA, BLÖNDUÓSKIRKJA, BÓLSTAÐARHLÍÐARKIRKJA, BREIÐABÓLSTAÐARKIRKJA,
Dagur 2. Skagafjörður –Akureyri.
Skagafjörður er eitthvert söguríkasta svæði landsins. Þaðan er haldið áfram yfir Öxnadalsheiði til Akureyrar. Þar er fjöldi safna og margt annað til afþreyingar.
Kirkjur: VÍÐIMÝRARKIRKJA, GLAUMBÆJARKIRKJA, REYNISTAÐARKIRKJA, FLUGUMÝRARKIRKJA, GELDINGAHOLTS-og SEYLUKIRKJA, SAUÐÁRKRÓKSKIRKJA, GOÐDALAKIRKJA, MÆLIFELLSKIRKJA, GRAFARKIRKJA, HÓLADÓMKIRKJA,
Dagur 3. Akureyri-Mývatn.
Þá er stefnt austur yfir Víkurskarð eða um Dalsmynni í Fnjóskadal að Goðafossi og þaðan til Mývatns. Þar er af svo mörgu að taka, að velja verður áhugaverðustu staðina.
Kirkjur: AKUREYRARKIRKJA*, GLERÁRKIRKJA, SAFNAKIRKJAN á AKUREYRI, PÉTURSKIRKJA, MUNKAÞVERÁRKIRKJA, MÖÐRUVALLAKIRKJA Eyjafirði, MÖÐRUVALLAKIRKJA Hörgárdal, LJÓSAVATNSKIRKJA, HÁLSKIRKJA, DRAFLASTAÐAKIRKJA, SKÚTUSTAÐAKIRKJA, BÆNHÚSIÐ RÖND
Dagur 4. Mývatn–Húsavík–Ásbyrgi–Dettifoss–Egilsstaðir.
Eftir hálftíma akstur frá Mývatni blasir Húsavík við. Þar er margt að sjá og gera, en þaðan er haldið yfir Tjörnes til Ásbyrgis í Kelduhverfi og áfram að Dettifossi. Eftir það er ekið suður á hringveginn og alla leið til Egilsstaða.
Kirkjur: ÞVERÁRKIRKJA, HÚSAVÍKURKIRKJA, HVÍTASUNNUKIRKJAN á HÚSAVÍK, GARÐSKIRKJA Kelduhverfi, VALÞJÓFSSTAÐARKIRKJA, ÁSKIRKJA ,GEIRSSTAÐAKIRKJA,
Dagur 5. Egilsstaðir–Höfn–Jökulsárlón–Skaftafell.
Skemmtilegast er að þræða Austfirðina. Þá er ekið um Fagradal til Reyðarfjarðar og áfram suður. Margir aka um Skriðdal á þjóðvegi 1 niður í Breiðdal eða um Öxi niður í Berufjörð, sem er stytzta leiðin. Ekki er mikið úr vegi að kíkja á Höfn áður en haldið er að Jökulsárlóni. Þá er haldið inn í Öræfi og gott að eyða nóttinni þar.
Kirkjur: EGILSSTAÐAKIRKJA, DJÚPAVOGSKIRKJA, HOFSKIRKJA Djúpavogi, BERUFJARÐARKIRKJA, BERUNESKIRKJA, HAFNARKIRKJA
Dagur 6. Skaftafell–Kirkjubæjarklaustur–Vík-Reykjavík.
Dagurinn hefst með akstri yfir Skeiðarársand til Kirkjubæjarklausturs, yfir Eldhraun og Mýrdalssand til Víkur. Þá taka við Dyrhólaey, Skógafoss,
Seljalandsfoss og Suðurlandsundirlendið áður en höfuðborgarsvæðið birtist framundan.
Kirkjur: NÚPSSTAÐARKIRKJA HOFSKIRKJA, KAPELLAN á KLAUSTRI, ÞYKKVABÆJARKLAUSTUR, KÁLFAFELLSKIRKJA, REYNISKIRKJA, SKEIÐFLATARKIRKJA, SAFNAKIRKJAN á Skógum, ÁSÓLFSSKÁLI, HLÍÐARENDAKIRKJA, ODDAKIRKJA, KROSSKIRKJA, KELDNAKIRKJA, SELFOSSKIRKJA, KOTSTRANDARKIRKJA, HVERAGERÐISKIRKJA
