Íslenski ferðavefurinn

  • endursetja

Friðland í Svarfaðardal

Svarfaðardalsá er nokkuð vatnsmikil en lygn, sérstaklega, þegar nær dregur ósum. Hún flæðir reglulega yfir bakka sína og skilur eftir frjósaman jarðveg á dalbotninum.
Svarfaðardalur slapp ekki við framræslu á sínum tíma fremur en aðrir landshlutar og hefur líka látið á sjá vegna þessara vafasömu jarðarbóta. Árið 1972 var neðsti hluti árinnar með óshólmum og bökkum friðlýstur. Bændum og landeigendum verður seint þökkuð þessi framsýni. Friðlýsingin felur í sér, að ekki má raska landinu á neinn hátt, skotveiði og eggjataka er bönnuð. Ómetanlegrar þekkingar um svæðið hefur verið aflað með starfi vísindamanna.

Friðland Svarfdæla við bæjardyr Dalvíkur er einstök náttúruperla fyrir alla, sem hafa áhuga á dýralífi og gróðri. Þarna verpa að staðaldri 30 tegundir fugla og votlendisgróðurinn er afar fjölbreyttur.

Myndasafn

Í grend

Dalvík
Dalvík er kaupstaður í mynni Svarfaðardals. Aðalatvinnuvegirnir eru útgerð, fiskvinnsla, iðnaður og verslun, en þjónusta við ferðamenn ey ...

Allar ábendingar eru velkomnar. Reynum að hafa staðreyndir eins réttar og mögulegt er.

Veldu landshluta

nat.is er upplýsinga- og ferðavefur um Ísland sem var stofnaður 1998.  Íslenska útgáfan er is.nat.is.    ( nat@nat.is )